همســـــــــــــــــــــــــــــــــــــــــــــــــــــــــــــــــــــــــــات

اثناء مرورى اليوم بميدان عبد المنعم رياض فوجدت بعربه اسعاف مسرعه متوجهه الى تجمع كبير فاخذت فى الاستفسار عما يحدث بفضولى المعهود فوجدت صبى صغير فى الخامسه عشر من عمره مرمى على الارض به بعض الجروح الظاهرة والكدمات ولا يستطيع الحركه او حتى الكلام وبيقول بصوت غلبه الضعف متسيبوهوش يمشى حتى انه عندما حاول بعض المارة من المتجمعين حوله معرفه اى شئ عن ذلك الفتى كان فى حاله شبيه بالهلوسه وهو لا يعى اى شئ عما يحدث حوله فبغتاته شديده فضلت اسأل المتجمعين حوله عما حدث فعلمت انسائق اتوبيس هيئه نقل عام ما يحملون رخصه قياده من الدرجه الاولى يعبر المنحنى فى الميدان بسرعه كبيرة حتى انه حمل الصبى بالدراجه بتاعته ثم شبك قميص الفتى فى الاتوبيس فظل يسحبه خلفه مسافه ليست بسيطه ثم جاءت الشرطه فهربت السائق فتعجبت وحاولت اسكات المئه فرد الذين يتكلمون حولى لافهم كيف حدث انه فضل سحبه وراه ومحاولش حتى يقف وليه الشرطه مشته ففهمت من كلامهم ان الاتوبيس لم يكن به فرامل ومشته الشرطه حفاظا على ماء وجه هيئه النقل العام وبما ان حياة الفتى البرئ ده ملهاش قيمه عنده اكيد طب احكم انت هيئه النقل العام ووزير المواصلات ولا حياة شخص غلبان ميعرفش اى حاجه فى اى حاجه فاكر نفسه ماشى فى مصر بلد الامن والامان زى ما بيقولوا طوال اليوم فى التليفزيون الحكومى ما يعرفش ان هنا فى مصر المواطنين ملهمش ديه وطبعا لا يوجد حولى الان الاتوبيس ولا حتى دراجه الفتى المهشمه التى تحوله لمائه قطعه كما قال جميع الموجودين والان فانا اوجه نداء للساده مسئولى هيئه النقل العام من المسئول عن الفتى المرمى فى المستشفى الان الذى حتى لم يتذكر اسمه وكان كلام الدكتور القادم مع سيارة الاسعاف ان هناك احتمال كبير يكون الولد عنده نزيف داخلى حياة الولد ده فى رقبه مين ومن المسئول هل هو السائق الذى خرج باتوبيس بدون فرامل ام المشرف عليه ام هئه النقل العام التى اهملت فى اختيار العاملين بها ام وزير المواصلات الذى اهمل كل شئ فى سبيل عدم اغضاب الاسرة المالكه آل مبارك وفى سبيل الملايين التى يضعها فى بنوك سويسرا شهريا اهمل حتى معرفه ما يدور فى هيئه النقل العام المسؤله عن الاتوبيسات التى يركبها المواطن الكادح الذى يجد قوت يومه بالكاد ام هل هذا المواطن لا يعنى هيئه النقل العام ووزير المواصلات فى شئ فوق بقى يا سيادة الوزير سنوافيكم غدا بصور الفتى وعربه الاسعاف تحمله الصور التى التقطت رغم انف رجال الشرطه الموجودين آنذاك

عما حدث لصديقتى الحبيبه جعلنى اعيد التفكير مرات ومرات عما يحدث لنا هل سننتهى قبل ان نحقق ما نريد هل سنذوى جميعا ويبقى هو يحكم مرت اجيال وهو باقى فيعيد الى اذهاننا سؤال محير الى متى سيبقى ؟ وهل سنراه يرحل؟ هل سنرى مصر حرة بدون اى تدخل امنى لكل كلمه حق هل سيكون هناك حريه للصحافه؟ هل سينتهى عصر الاعتقالات؟ هل ستختفى المعتقلات من الوجود؟ هل سيعود النشطاء السياسيين لممارسه حقوقهم دون ادنى مخاوف من سحل واهانه واعتقالات ؟ الى متى سيبقى مبارك يحكم مصر ؟ لقد جائنى شعور بانى سأرحل انا الاخرى دون ان تعود مصر حرة ويبقى يحكم ويحكم ويحكم ......... ويمتد اكثر فيحكم ابنه ويحكم ويحكم حتى جيل جديد وسنظل نحن نتسائل دون اى نتيجه دون اى سبب سنظل هكذا جالسين على مقهى فى وسط البلد نتسائل ؟ تفتكر يا بنى هيحصل قبض النهاردة تفتكر التعديل الجديد للدرستور شكله هيبقى ايه تفتكر احداث 25/5 هتتكرر تفتكر اعمل النهارده رز ولا مكرونه وهنعد نسال لحد ما نموت أما موتت ربنا او هنموت من كتر هل؟ وتفتكر ؟ وتلاقى نفسك فجأة مش عارف ترد لانك مش لاقى حد تساله وتبتدى تسال نفسك اصلها بقت عادة ان انت تسال خايف متسالش فى يوم لمصر تخرب . تيجى تسال حد ماشى فى الشارع انت مش عارف اللى بيحصل انت ازاى ساكت يقولك يعنى هنعمل ايه؟ وهتوصل برده لنفس القصه السؤال ؟وتسال نفسك طب فعلا هنعمل ايه وتسال وتسال بس ياريت تسال نفسك سؤال تفتكر الناس اللى فى لبنان سألوا كام سؤال علشان يعملوا الاعتصام الهايل بتاعهم وتفتكر كمان لما عرفوا سألوا بعض السؤال العقيم بتاعنا يعنى هنعمل ايه الحل الوحيد للى بيحصل ان احنا نفوق وبدل ما نقعد نسال بعض نبدأ ننفذ نبدأ نعمل زى لبنان بس تفتكر انك لو دعيت لاعتصام هتلاقى الاعداد ديه كلها طبعا لا علشان احنا معندناش وعى زيهم الحل الوحيد ان احنا نبدأ نوعى الناس البسيطه اللى متعرفش غير رغيف العيش وحبه الفول اللى بيفطروا بيهم ساعتها الشعب البسيط هيفهمنا مش نقضيها مظاهرات مفيهاش ناس او اجتماعات مبيحضرهاش غير الناس اللى فاهمه اصلا او مؤتمرات تقام بهدف اعلامى لازم نخاطب الشغب غلشان الشعب هوه اللى هيقوم ويدافع عن لقمه عيشه وولاده اللى ميعرفش غيرهم ياريت بقى نبطل اسئله ونبدأ نجاوب على الاسئله اللى لسه مش لاقين لها جاوب ونرجع للشعب لاقنهم الامل الحقيقى فى التغيير؟

تتوالى الاحداث هذا الاسبوع ويقوم دكتور ايمن نور بالاحتفال بعيد ميلاده فى محكمه الجلاء فى مهزله جديده وتهمه ملفقه جديدة وقام كل اعضاء حزب الغد بالاحتفال معه وبعد ذلك وجه لهم صفعه قويه على ايدى قوات المارينز الغاشمه حيث قام الامن المركزى بضرب التظاهرين والمتضامنين مع الدكتور بسحلهم وضربهم حتى النات لم يرحموا مما حدث حيث تلقوا الضربات القويه خاصه فى الاماكن الحساسه وحاول بعض الزملاء انقاذهم فكان لهم النصيب الاكبر مما حدث وكانت المتظاهرات اعضاء حزب الغد المتواجدات فى المحكمه يضربون ويسحلون بكل الوسائل المتاحه وخاصه بالاحذيه الميرى التى هى بمقام قنبله يدويه متفجرة وبذلك توجه المتظاهرات بعد ذلك لتلقى الاسعافات فى اقرب مستشفى حيث كانوا فى حاله صعبه من شدة السحل وكانت تلك العلقه هى هديتهم لزعيمهم فى ذكرى ميلاده ولا اظن ان هناك هديه ستسعد سجين الحريه د/ ايمن نور اكثر من تضامن الشعب الذى فداهم بهنائه وحريته المنزوعه منه وتلك العلقه هى اقل شئ ممكن ان يقدم لسجين الحريه من احبائه وكل سنه وانت طيب يا دكتور ايمن

        فى اثناء خروجى من مقر حزب الغد فى ميدان طلعت حرب انا وصديقى احمد عضو حزب الغد وجدنا عربيه ملاكى متوقفه امام مقر الحزب فاستوقفنا قائلا ايه يا احمد عاجبكم المحاكمه النهارده علما باحداث الشغب التى اثارتها قوات الامن المركزى وما تعرض له الشباب فى المحاكمه من ضرب واعتداءت فقام صديقى بالتهكم على كلامه بضحكه استفزازيه وقاله اه بس كان الامن متساهل اوى النهارده قاله والله يا احمد انت عارف انا يوم القبض عليك انا حذرتك وقلت لك ابعد يا احمد وانت اللى صممت تقف فرد صديقى وقاله اسيب صحابى يقبض عليهم وحدهم مش ديه برده نداله فضحك الضابط بضحكه صفراء وقال وبعد الشهرين مش شايف ان النداله كانت احسن المرة الجايه خليك ندل احسن قاله ايه يا باشا هوه فيه مرة تانيه قاله انت عارف يا احمد انت حبيبى فخرجت اخيرا عن صمتى وقمت بالاتهزاء به وقلت له ايه ده انت حبيبه من انهى نوع انت بتاع تقارير فرد الضابط ياريت انا اتمنا فرددت انا واحمد فى نفس واحد واحنا لا وقام احمد بالرد عليه وقاله من امتى واحنا بنبيع بلدنا فرد الضابط قائلا ايه يابنى احنا الموساد ولا ايه فقلت له الموساد معملش فى شعبه اللى انتوا عملتوه فينا فى الشارع وحاولت انهاء الحوار وقلتله كفايه كده اوى لا نتشبه يا احمد فضحك الضابط وقالى تتشبيه قدام رجالتى فقلتله لا قدام زمايلى فى الحزب فضحك اوى وقالى مفهمتيش قصدى فسكت ان واحمد من هول الكلمات وصعوبتها على انفسنا ورديت عليه انا ممكن اسهل الامر عليك هات كشف باسمائهم جميعا وانا هديهم كل المعلومات لحسن مش عارفين يشوفوا شغلهم وموقفينك من الصبح ادام الحزب مستنى المظاهرة اللى ملهاش وجود فقال لى اديكى القائمه بس بشرط احطك على راس القائمه فضحكت بشده وقلتله شكرا على كل شئ بس انا مستريحه كده قالى انتى اسمك ايه قلتله وقاعد تقول رجالتى وانت دوله على ايه ومشينا مكملناش خمس دقائق معدودة ورجعنا بعد ما جبنا اللى احنا عايزينه فقام من العربيه اللى كان قاعد فيها وقال يا استاذة صفا مش صفا برده فكانت اول صدمه لنا انا وصديقى فلم نتاخر اكثر من الخمس دقائق وكان فبل ما نمشى بيلح انه يعرف الاسم بطريقه تؤكد انه مش عارفه وقال انا بس عايز بس ابارك لك على الفرح هوه برده مش كان قريب اوى فى المجمع فقلتله ليه هوه انت مكنتش موجود قالى للاسف محدش دعانى قلتله ليه ده حتى عمرو بيه محسن كان موجود وبرده محدش دعاه قال لى لا عمرو بيه كان مدعو فقلتله مش هتعرف اكتر منى كان فرحى قال لى كان معزوم من حد اكبر من اصحاب الفرح فقلتله اكبر من العريس والعروسه قالى اكبر بكتير فقال لى انا عايز اتكلم معاكى كتير فقلتله شكرا مش ماما قايله لى متكلميش حد غريب ولا تاكلى حاجه ادها لك حد غريب فقالى لا احنا لازم نتكلم قلت له ماشى بس بشرط تجاوب على سؤال محيرنى قال لى موافق قلتله هتجاوب قال بثقه شديده طبعا طالما هنتكلم مع بعض قلتله ليه محمد الشرقاوى وكريم الشاعر فسكت لفترة طويله ووشه جاب الوا ن الطيف مكنتش فاكرة انا سؤالى صعب كده قالى هوه فعلا اصعب مما تتخيلى قلت له ياه للدرجه ديه قالى مكنوش لوحدهم كان معاهم احمد وناس كتير تحبى اقول اسمائهم واحد واحد قلتله عارفاهم كويس متغيرش الموضوع قاى عايزة ايه قلتله 25/5 ليه هما الاتنين وليه اللى حصل فيهم والتعذيب اللى حصل قا لى انتى مصدقه برده قلتله بعصبيه شديده متحاولش انا واثقه ميه فى الميه من كلامهم ومتفكرش تشكك فيه مرة تانيه قالى طب ايه دليلك قلتله الوضوع مش محتاج دليل انا واثقه فى كلام الاثنين ثقه عاميه فرد صديقى بعد طول صمت انا شفت منظر شرقاوى اول ما جيه ده مكنش عارف يرد علينا شفايفه كانت مقطعه قلتله مش كده بس انت عارف انت عملتوا ايه تانى فيه فسكت فبص لى وقالى ملكيش دعوة باللى حصل للشرقاوى مش كريم كان سليم قلتله يا سلام كان سليم ازاى يعنى قالى بس محصلش فيه زى الشرقاوى قلتله يعنى انت معترف باللى حصل للشرقاوى فسكت وقالى ايه يعنى الاثنين اتضربوا شويه بسيطه علشان كان بيأوحوا مع الناس اللى قبضوا عليهم قلتله يسلام كل اللى حصل ده علشان كده قالى الحاجه الوحيده اللى بأكدها لك انه مش حاجه شخصيه بينهم وبين حد من الضباط قلتله كان عندهم معلومات مهمه للدرجه ديه ولا خطر على الامن العام قالى ولا ده كمان قلتله امال ايه  قالى انتى هامك الموضوع ده كده ليه ابعدى عنه احسن مش اللى الاثنين خرجوا وخلاص قلتله انت قلت هتجاوب على سؤالى اى ان كان قالى مجاش فى بالى انك تسألى السؤال ده بالذات قلتله يا هوه السؤال ده عندك اصعب من اى سؤال تانى للدرجه ديه قالى هنتكلم امتى قلت له انت مجاوبتش على السؤال بتاعى قالى على سيبنى لحد المحاكمه الجايه للدكتور يمكن اقدر ارد عليكى على العموم مستنيه رد اصعب سؤال فى التاريخ بس برده مش هنتكلم يا حضرة الضابط !وسيبقى السؤال معلق لماذا كريم الشاعر ومحمد الشرقاوى؟؟؟؟؟؟؟؟؟؟؟؟؟